Хятад гурван жилийн дараа жуулчдад хилээ нээв

Admin | 2023-03-15


Өнөөдрөөс эхэлж БНХАУ руу зорчих гадаадын жуулчдад бүх төрлийн виз олгох ажил дахин эхэлж байна. Энэ тухай БНХАУ-ын Гадаад хэргийн яам мэдэгдсэн тухай “Синхуа” агентлаг уламжлав. Уг шийдвэр хил дамнасан аяллыг цаашид хөнгөвчлөх зорилгоор баталсан гэж мэдэгдэлд онцолжээ. Ингэснээр Хятад улс гурван жилийн дараа гадаадын жуулчдад хилээ бүрэн нээв. Ковид-19 цар тахлын үеэр гурван жил завсарласны дараа Бээжин аялал жуулчлал болон эдийн засгаа сэргээж виз олгох ажлыг дахин эхлүүлж байна. Цар тахлын дараа аялал жуулчлалыг сэргээж буй сүүлчийн том улс бол Хятад аж. Энэ сарын 15-наас эхэлж бүх төрлийн виз олгож эхэлсэн. Визгүй зорчих журмыг Хайнань арал зэрэг чиглэл болон цар тахлаас өмнө ч виз шаарддаггүй байсан Шанхай руу аялал круиз хөлөг онгоцуудад дахин сэргээнэ.

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

Нийт сэтгэгдэл (0)