• 7777 7777 8911 6964
  • sunny -5°C
  • 3426₮ ам.доллар
Туркийн Ерөнхийлөгчийн сонгуульд 5 хувийн санал авсан нэр дэвшигч Р.Эрдоганыг дэмжинэ

Admin | 2023-05-23

Туркийн Ерөнхийлөгчийн сонгуулийн нэгдүгээр шатанд 5 хувийн санал авсан нэр дэвшигч Синан Оган өөрийнхөө дэмжигчдэд хандаж Режеп Тайип Эрдоганы төлөө санал өгөхийг уриалсан байна. Энэ тухай Туркийн “Hurriyet” сонин мэдээлэв. Синан Оган Туркийн Ерөнхийлөгч Р.Эрдогантай биечлэн уулзсаны дараа дээрх шийдвээрээ гаргажээ. “Hurriyet”-д бичсэнээр, Синан Оган Үндсэн хуулийн зарим заалтыг өөрчлөхгүй байвал, бүх террорист бүлэглэлүүдийн эсрэг тэмцвэл, Сирийн дүрвэгчдийг гаргавал Р.Эрдоганыг дэмжихээ илэрхийлсэн байна.

Тавдугаар сарын 14-нд Турк улсад Ерөнхийлөгчийн сонгууль болсон. Сонгогчдын 49.5 хувь нь Р.Эрдоганд санал өгсөн. Түүний гол өрсөлдөгч, сөрөг хүчний улстөрч Кемал Кылышдароглы 45 хувийн дэмжлэг авсан билээ. Нэр дэвшигчдийн хэн нь ч 50 хувийн босгыг давж чадаагүй учир тавдугаар сарын 28-нд сонгуулийн хоёрдугаар шат болох аж. Шинжээчдийн үзж буйгаар, Синан Оганы дэмжлэгийн дараа Р.Эрдоган сонгуулийн хоёрдугаар шатанд ялалт байгуулах боломж нь ихэссэн гэнэ.

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

"Эрүү шүүлт тулгах гэмт хэргийн шинжийг Эрүүдэн шүүхийн эсрэг кон...
Нийслэлийн Онцгой байдлын газар, Ус сувгийн удирдах газартай хамт...
БАНГЛАДЕШ УЛСЫН СОНГУУЛИЙН ХОРООНЫ ТӨЛӨӨЛӨГЧИДТЭЙ УУЛЗАВ
Нийт сэтгэгдэл (0)