Tentsver.mn

Эрүүл мэндийн дэд сайд асан Ж.АМАРСАНАА: Ковид бол вирус. Гэтэл бактер устгадаг антибиотик иргэдэд шахаж байна

Admin | 2022-01-20

Ардчилсан нам цаг үеийн зарим асуудлаар мэдээлэл хийх үеэр Эрүүл мэндийн дэд сайд асан Ж.Амарсанаа ковидын цар тахалтай холбоотой дараах хоёр асуудлыг хөндсөн юм. Тэрээр “Нэгдүгээрт эмчилгээний гажуудал үүсэж байна. Ковид бол вирус. Гэтэл бактер устгадаг антибиотик иргэдэд шахаж байгаа нь том асуудал. Антибиотик зөвхөн бактерт үйлчилдэг. Ковидын хувилбарууд болох делта, омикрон алинд нь ч энэ эмийн эмчилгээ нөлөөлөхгүй. Гэтэл ковидоор өвчилсөн хүн бүрт антибиотикийн хэрэглээг тулгаж байна. Угтаа антибиотикийн буруу хэрэглээг иргэдэд ковидын багц болгон тулгаж өгөөд байна. Ямар ч нөлөө байхгүй шүү дээ. Энэ бол эмчилгээний том гажуудал үүсгэж байгаа хэрэг гэдгийг дахин сануулмаар байна. Зүйрлэвэл чонын амнаас барын ам руу иргэдийг үсэргэж байна. Ковидын вирусээс гадна элэг, бөөр зэрэг зарим эрхтэн нь эмийн хордлогод орсон хүмүүс эмнэлэгт их ирэх боллоо. Тиймээс антибиотикийн хэрэглээг хавтгайруулахаа зогсоо. Бактерийн хавсарсан халдвартай иргэдэд л антибиотикийн эмчилгээг хийх хэрэгтэй. Иймээс засаг төр эмчилгээний журам, хэрэглээнд онцгой анхаарлаа хандуулан ажиллахыг сануулж хэлмээр байна. Хоёрдугаарт ковидын халдварын тархалт маш хурдацтай тархаж байна. Энэ үед эрүүл мэндийн салбарын ажилчдын асуудал хурцаар хөндөгдөж байна. Ажлаа гүйцэтгэж байх үедээ халдвар авч, халдвар авсан ч ажлаа хийж яваа маш олон тохиолдол байна. Улаан бүст ачаалал өндөр, хүний нөөц хүрэлцэхгүй байгааг ойлгож байгаа ч ийм үед ямар журмаар ажиллах нь маш тодорхойгүй байна. Ядаж л ажилчдад урамшуулал олгох нь зөв. Гэсэн ч үүн дээр одоо болтол тодорхой хийсэн зүйл алга” гэсэн юм.

Ц. Ганчимэг

Эрүүл мэндийн дэд сайд асан Ж.АМАРСАНАА: Ковид бол вирус. Гэтэл бактер устгадаг антибиотик иргэдэд шахаж байна

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Холбоотой мэдээ

Нийт сэтгэгдэл (0)