• 7777 7777 8911 6964
  • sunny -5°C
  • 3426₮ ам.доллар
Нийслэлийн нийт хүн амын 5.5 хувь нь вакцины IV тунд хамрагдаад байна

Admin | 2022-02-12

Нийслэлийн хэмжээнд өчигдөр коронавируст халдварын эсрэг I тунд 14, II тунд 14,III тунд 111, IV тунд 123 буюу нийт 262 иргэн дархлаажуулалтад хамрагджээ.

Вакцинжуулалт эхэлснээс хойш нийслэлийн нийт хүн амын 75.1 хувь нь I тунд, 72 хувь нь II тунд, 52.8 хувь нь III тунд, 5.5 хувь нь дархлаа сэргээх нэмэлт IV тунд хамрагдаад буй юм.

Зорилтот бүлгийн буюу 3,032 (25.5 хувь) жирэмсэн эх, 12-15 насны 68,642 (77.2 хувь), 16-17 насны 27,055 (79.8 хувь) хүүхэд тус тус дархлаажуулалтын бүрэн тунд хамрагдаад байна.

Дашрамд дурдахад, Монгол Улс коронавирусний вакцинжуулалтын өнгөрсөн оны хоёрдугаар сарын 23-нд эхлүүлсэн. Харин дархлаа сэргээх гуравдугаар тунг өнгөрсөн оны наймдугаар сар, дөрөвдүгээр тунг өнгөрсөн сарын 7-ноос хийж эхэлсэн билээ. Коронавирусний вакцины нэмэлт тунг хийлгэснээр иргэд халдварын улмаас нас барахаас сэргийлж, хөнгөн өвдөх давуу талтайг холбогдох албаныхан онцолж буй юм.

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

БНСУ-ын хилээр нэвтрэхдээ PCR шинжилгээ өгсөн байх шаардлагагүй
Улсын хэмжээнд шинээр 78 халдвар батлагджээ
Халдварын 89 тохиолдол бүртгэгдлээ
Нийт сэтгэгдэл (0)