Tentsver.mn

Лего роботын үндэсний аварга шалгаруулах тэмцээн эхэллээ

Admin | 2023-01-22

Ерөнхий боловсролын сургуулийн сурагчдын шинжлэх ухаан, технологи, инженерчлэлийн боловсролыг дэмжих, дэлхийн роботын аварга шалгаруулах тэмцээнд эх орноо төлөөлөн оролцох сурагчдыг сонгон шалгаруулах, робот сонирхдог, түүгээр хичээллэх сонирхолтой хүүхэд залуус хөгжих боломж бүрдүүлэх зорилготой МОНГОЛЫН ЛЕГО РОБОТЫН ҮНДЭСНИЙ АВАРГА ШАЛГАРУУЛАХ ТЭМЦЭЭН-ийг өнөөдөр буюу 2023 оны нэгдүгээр сарын 23-ны өдөр БШУЯ, Монголын роботын нийгэмлэг НҮТББ хамтран UG Arena спорт паласт зохион байгуулж байна.

Тэмцээнийг Оюу толгой ХХК, Уран ган палас ХХК дэмжиж, хамтран ажиллаж байна.

Тэмцээний үндсэн төрөлд "Into orbit" буюу "Сансрын хиймэл дагуул, дэлхийн тойрог зам" сэдвийн хүрээнд Улаанбаатар хот болон Хөвсгөл, Хэнтий, Гов-Алтай, Өмнөговь, Дархан-Уул, Орхон, Баянхонгор, Завхан аймгийн нийт 23 сургуулийн 6-10 дугаар ангийн 26 баг, 150 сурагч оролцоно.

Харин чөлөөт төрөлд ЕБС-ийн сурагч, оюутан залуусаас бүрдсэн 105 баг, дараах 5 төрлөөр өрсөлдөнө. Үүнд:

1. Сумо робот (автомат, 3 кг)

2. Сумо робот (радио удирдлагатай, 3кг)

3. Америк хөл бөмбөг

4. Мини сумо робот (авомат, 500 гр)

5. Шугам дагадаг автомат робот

Мөн робот техник, автоматжуулалтын сэдвээр ШУТИС, Одон орон, геотехнологийн хүрээлэн, ЕБС-иудын хамтарсан үзэсгэлэн сонирхогч хүүхэд, залууст бүтэн өдөржин нээлттэй зохион байгуулагдана.

May be an image of 12 people, people standing and indoor

May be an image of 3 people and indoor

May be an image of 6 people, indoor and text that says "OUNITEL Sport the MIND TorлoлTb yBaapb apb 1 The LEGO Foundation LEGO education Automation INSTRUMENTS 3M"