Сүүлийн үед “Instagram”-ын “Twitter” шиг хувилбар гарна гэсэн яриа гарсан байна. Энэ нь саяхан “Twitter”-ийн захирал болсон Линда Якарринод томоохон сорилт болох нь. Одоогийн байдлаар шинэ апп-ийн нэрийг зарлаагүй байгаа бөгөөд “Project 92” (P92) гэж нэрлээд буй. “Instagram” тус апп-ийг энэ зун хэрэглээнд нэвтрүүлэхээр төлөвлөж байгаа. P92-н хувьд хэрэглэгчдийн баазаа аль хэдийн босгосон буюу “Instagram” хэрэглэгчдийг өөрийн хаягаар дамжин орох боломжийг бүрдүүлжээ. Ингэснээр P92 дээр “Instagram” хэрэглэгчийн дагагч, баталгаажуулалтын цэнхэр тэмдэг болон бусад тохиргоо гээд юутай ийтэйгээ байрших нь. “Twitter” 280 тэмдэгтийн хязгаартай байдаг бол шинэ апп “Mastodon”-ы адил 500 тэмдэгтийн хязгаартай. Түүнчлэн P92 дээр 5 хүртэлх минутын бичлэг, зураг, линк оруулах боломжтой гээд ер нь л “Twitter”-тэй төстэй.
Шинэ апп гарч ирснээр бичвэрт суурилсан платформын өрсөлдөөн улам л ширүүсэж олон тоглогчидтой болох тусам зөвхөн “Twitter”-д байдаг хүч саарах нь. Тэгэхээр жиргээнээс өөр газар жиргэх нь хэвийн үзэгдэл болох юм.
“Instagram” сүүлийн хэдэн жилд хурдацтай томорсон “TikTok”-ын бялуунаас хуваахаар нэлээдгүй хөрөнгө хаяж, “TikTok” шиг богино хэмжээний бичлэг дэмждэг болсон. Том зургаар нь харвал “Meta” (META) “Facebook” болон “Instagram”-д цаг үеийн трэндийг асар хурдан шингээж сайжруулалт хийж байгаа. Үүнийг хоёр жилийн өмнөх “Facebook”, “Instagram”-ыг одоогийн хувилбартай нь харьцуулахад өлхөн харж болохоор.
Илон Маск “Twitter”-т олон шинэ өөрчлөлт хийсэн нь хэрэглэгчдийг тус платформоос дайжихад хүргэсэн. Улмаар “Twitter”-тэй өрсөлдөхөөр “Mastadon”, “T2”, “Bluesky” зэрэг олон ч платформууд ар араасаа гарч ирсээр. Тэгэхээр “Twitter”-ээс нүүр бууруулсан хэрэглэгчийн орон зайг “Instagram”-ын шинэ апп нөхөх нь.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Холбоотой мэдээ
Түрээсийн орон сууцны оршин суугчийг сонгон шалгаруулах журм...
tentsver.mn | 26 минутын өмнө
УИХ-ын дарга Г.Занданшатар НҮБ-ын 8 дахь Ерөнхий нарийн бичг...
tentsver.mn | 46 минутын өмнө
Элсэлтийн шалгалтын бүртгэл энэ долоо хоногт дуусна
tentsver.mn | 2024-04-22
Х.Нямбаатар: Хот, нийтийн аж ахуйн ажилчдын хүүхдүүдийг Герм...
tentsver.mn | 2024-04-22
Өнөөдөр олон улсын эх дэлхийн өдөр тохиож байна
tentsver.mn | 2024-04-22
Орос гуравдугаар сургуулийн захирал асан Ж.Соронзонгийн хэрг...
tentsver.mn | 2024-04-22
ДОРНОД, СҮХБААТАР АЙМАГТ ГАРСАН ХЭЭРИЙН ТҮЙМРИЙГ БҮРЭН УНТРА...
tentsver.mn | 2024-04-22
Улаанбаатарт 6 хэм дулаан байна
tentsver.mn | 2024-04-22
Монгол хэл бичгийн дахин шалгалт наймдугаар сарын 17-нд болн...
tentsver.mn | 2024-04-19
Хүүхдийн паркийн баруун жигүүрийн 10.2 га талбайн 80 хувьд н...
tentsver.mn | 2024-04-19
Чөлөөт бөхийн Азийн бүсийн тэмцээн Киргизстаны Бишкек хотноо...
tentsver.mn | 2024-04-19
Таван шарын нүхэн гарцын хөдөлгөөнийг 6 дугаар сард нээнэ
tentsver.mn | 2024-04-19
Олимпын эрх олгох чөлөөт бөхийн тэмцээн өнөөдөр эхэлнэ
tentsver.mn | 2024-04-19