Леброн Жеймс сагсанбөмбөгийн “шинэ хаан” боллоо

Admin | 2023-02-09

   Үндэсний сагсанбөмбөгийн холбооны (NBA) түүхэн дэх "Мөнхийн" гэгддэг нэгэн амжилт буюу бүх цаг үеийн хамгийн олон оноо авсан тоглогчийн рекордыг Леброн Жэймс шинэчлэв. НБА лигийн “Лейкерс” болон “Оклахома” багийн тоглолтод Леброн 38 оноо авснаар нэгэн цаг үед хэзээ ч эвдэгдэхгүй гэгдэж байсан Карим Абдул Жаббарын 38.387 оноо авсан рекордыг эвдэж, шинэ түүх бүтээлээ. Түүнийг рекорд тогтоонгуут тоглолт зогсож, ёслолын арга хэмжээ болсон. Леброн Жеймс үг хэлэхдээ “Лейкерс багийн үнэнч дэмжигчдэд баярлалаа гэж хэлмээр байна. Та нар шиг фэн дэлхийд байхгүй. Карим шиг агуу домгийн дэргэд зогсох нь нэр хүндийн хэрэг. Маш том аз жаргал юм. Ахлагчид зогсож, алга ташин, хүндэтгэл үзүүлнэ үү. Үзэсгэлэнт гэргийдээ, охиндоо, хоёр хүүдээ, анд найзууддаа... Энэ 20 гаруй жил надтай хамт байсан бүх хүнд маш их баярлалаа нэж хэлье. Та нар байхгүй байсан бол би энд хүрж чадахгүй байлаа. НБА лигтээ, Адам Сильверт, агуу Дэвид Стерн асанд намайг мөрөөдөлд минь хүргэсэнд талархаж байна” гэж баярласан сэтгэгдлээ хуваалцлаа. Карим Абдул Жаббар 1968-1989 онд НБА-ийн "Милоуки бакс", "Лос Анжелес Лэйкерс" багуудад тоглож, зургаан удаа аварга болж, нийтдээ  38.387 оноо авч байсан.
Сагсанбөмбөгийн бүх цаг үеийн шилдэг тоглогч гэгддэг домогт Майкл Жордан ч гэсэн Леброн Жеймсийн тогтоосон амжилтын талаар сэтгэгдлээ хуваалцжээ. Түүний үгийг “TMZ Sports”-ын продюсер Майкл Бэбкок “Twitter” хуудсандаа жиргэсэн байна. М.Жордан “Энэхүү итгэмээргүй гайхалтай амжилт үзүүлсэн Лебронд баяр хүргэе. Энэ бол түүний шаргуу хөдөлмөр, тэсвэр хатуужил, ур чадварын нотолгоо юм” гэв. Лос-Анжелес хотод болсон “Лейкерс” болон “Оклахома” багийн тоглолт 133:130-ын харьцаатай өндөрлөсөн. Леброн Жеймсийн рекорд тогтоох боломжтой уг тоглолтын тасалбарын үнэ 100 мянган ам.долларт хүрчээ. Леброн Жеймс НБА-гийн дөрвөн удаагийн аварга болсон (2012, 2013, 2016, 2020). Мөн улирлын болон плей-оффын хамгийн үнэ цэнтэй тоглогчоор дөрвөн удаа шалгарч байв. Түүнчлэн АНУ-ын шигшээ багийн бүрэлдэхүүнд 2008 болон 2012 оны олимпод түрүүлсэн. 2021 онд анхны тэрбумтан сагсан бөмбөгч болж байсан аж.       

НБА-ийн бүх цаг үеийн түүхэнд хамгийн олон оноо авсан тоглогчид

1. ЛЕБРОН ЖЭЙМС - 38 390 оноо
2. Карим Абдул Жаббар - 38 387 оноо
3. Карл Мэлоун - 36 928 оноо
4. Коби Брайант - 33 643 оноо
5. Майкл Жордан - 32 292 оноо

Джеймс-четырехкратный чемпион НБА (2012, 2013, 2016, 2020). Его по четыре раза называли самым ценным игроком регулярного чемпионата и серии плей-офф. В составе сборной США спортсмен выиграл Олимпийские игры в 2008 и 2012 годах. В 2021-м он также стал первым баскетболистом-миллиардером.   

М.ХҮСЛЭН