
"БИЗКОН АУДИТ" ХХК-ийн 20 жилийн ойд зориулсан, Монгол Улсын начин цолны хүндэтгэлийн барилдаан өнөөдөр Бөхийн өргөөнд эхэллээ. Тус барилдааныг Монгол Улсын даян аварга Н.Батсуурь, арслан Ц.Содномдорж нарын бөхчүүд тэргүүлж барилдахаар бүртгүүлсэн. Гэвч барилдаанд допингийн асуудлаар эрхээ хасуулаад байсан даян аварга Н.Батсуурь, арслан Р.Пүрэвдагва нарыг эсэргүүцэж арслан Ц.Содномдорж барилдахгүй хэмээн эсэргүүцлээ илэрхийлэв. Тэрээр дөнгөж сая цахим хуудсандаа "Nodoping" хэмээн бичжээ.