Б.Чинзориг УАШТ-ий 11 дэх түрүүгээ хүртлээ

Admin | 2023-02-12

  ХХ зууны манлай дасгалжуулагч, Монгол Улсын гавьяат дасгалжуулагч В.Батбаяр багшийн нэрэмжит насанд хүрэгчдийн боксын улсын аварга шалгаруулах энэ сарын 7-12-ны хооронд Спортын төв ордонд явагдаж дүнгээ гаргалаа. Өнгөрсөн бямба гарагт эмэгтэйчүүд аваргаа тодруулсан бол, ням гарагт эрэгтэй ширэн бээлийтнүүд алтан медалийн төлөө тоглолоо. “Алдар” спорт хорооны тамирчин, боксын шигшээ багийн ахлагч, армийн дэлхийн аварга Б.Чинзориг 63.5 кг-ын жингийн финалд “Хангарьд” клубийн Н.Төгөлдөрийг 3:2-ын харьцаагаар ялж, улсын аварга шалгаруулах тэмцээний 11 дэх түрүүгээ хүртлээ. Түүнчлэн Х.Энх-Амар УАШТ-д 10 дахь, Х.Энхмандах, Ж.Отгонжаргал нар тав дахь удаагаа түрүүлсэн байна. 
Энэ жилийн боксын насанд хүрэгчдийн улсын аварга шалгаруулах тэмцээнийг багийн дүнгээр “Хангарьд” спорт клуб тэргүүлж, хоёрдугаар байрт “Алдар” спорт хороо, гуравт “Хилчин” орлоо. Тэмцээний шилдэг эмэгтэй боксчноор О.Эсүгэн, шилдэг эрэгтэй боксчноор Д.Ганболд, шилдэг дасгалжуулагчаар “Аврагч” багийн С.Эрдэнэбаяр нар тодорчээ.  

Боксын насанд хүрэгчдийн УАШТ-ий эрэгтэйчүүдийн шигшээ тоглолтын дүн:
48 кг. Г.Ган-Эрдэнэ (Аврагч) - О.Өнөболд (Хангарьд)  – 2:3 
51 кг. Х.Энх-Мандах (Алдар) - Д.Даваадорж (Аврагч) – 5:0
54 кг. Д.Ганболд (Хангарьд)  - Х.Билгүүнсайхан (Алдар) – 4:1
57 кг. Х.Энх-Амар (Алдар) - Г.Лундаа (Хангарьд) – 4:1
60 кг. Б.Буяндалай (Хангарьд) - Т.Энхтөр (Хилчин) – 1:4
63.5 кг. Н.Төгөлдөр (Хангарьд) – Б.Чинзориг (Алдар) – 2:3 
67 кг. Б.Мишээлт (Аврагч) - Т.Буяндорж (Радианс) – дасгалжуулагч татгалзсан
71 кг. О.Бямба-Эрдэнэ (Хилчин) - С.Жавхланбаяр (Алдар) – 5:0
75 кг. Ж.Отгонжаргал (Алдар) - А.Жандос (Баян-Өлгий) – 5:0
80 кг. Г.Далай (Хангарьд)  - Д.Батсүмбэрэл (Хилчин) – дасгалжуулагч татгалзсан
86 кг. Н.Отгонболд (Хангарьд) - П.Мягмарбат (Баянгол дүүрэг) – 2:3
92 кг. О.Энхжин (Хүч) – Д.Барихаан (Хангарьд)  – дасгалжуулагч татгалзсан
+92 кг. Х.Бекнур (Баян-Өлгий) - Т.Ерболат (Алдар) – 4:1 

М.Хүслэн