Tentsver.mn

Том оврын дөрвөн шинэ онгоцтой болно

Admin | 2023-02-28

Дотоодын агаарын тээврийн компаниуд өнгөрсөн онд 13 онгоц оруулж иржээ. Харин 2023 онд том оврын дөрөв, орон нутагт нислэг үйлдэх хоёр онгоц оруулж ирэхээр төлөвлөсөн талаар ЗТХ-ийн сайд С.Бямбацогт мэдээллээ. Тэрбээр “Монгол Улсын Засгийн газраас 2023-2025 оныг “Монголд зочлох жил” болгон зарлаж аялал, жуулчлалыг хөгжүүлж, эдийн засгаа уул, уурхайгаас хараат бус болгож солонгоруулах зорилт тавьсан. Зам, тээврийн хөгжлийн яамнаас дээрх зорилтын хүрээнд бодлогын хувьд томоохон арга хэмжээнүүдийг авч хэрэгжүүлж байгаа. Тодруулбал, 2021 онд 30 гаруй улс руу нислэгтэй байсан бол 2023 онд 50 орчим улстай агаарын харилцааны хэлэлцээр байгуулж, 150 чиглэлд нислэг үйлдэх боломжийг бий болголоо. Монгол Улсын Ерөнхий сайдын өнгөрсөн сард БНСУ-д хийсэн айлчлалын үр дүн эхнээсээ гарч нислэгийн тоо, багтаамжийг нэмэгдүүллээ. Дурдвал, БНСУ руу 7 хоногт 44 удаа байсан бол 80 хүртэлх нислэг буюу өдөрт 11 удаа, дан ганц Сөүл рүү биш Бусан, Дэгү, Мянгу гэсэн дөрвөн чиглэлд нислэг үйлдэхээр болсон. Мөн Монгол-Японы хооронд нислэгийн давтамж долоо хоногт 26 байсныг, 62, Монгол-Тайланд хооронд долоо хоногт 10 байсныг 30 болгож гурав дахин нэмэгдүүлэх боломж бүрдүүлсэн. Монгол-Турк хооронд 6 байсныг 34, Бээжин хот руу долоо хоногт 42 удаа нислэг үйлдэх боломж бүрдүүллээ. Үүнээс гадна Засгийн газрын хуралдаанаар Катар, Кувейт улстай агаарын харилцааны хэлэлцээр байгуулах эрхийг олголоо. Ингэснээр Ойрхи Дорнод, Баруун Азийн орнууд руу шууд нислэгтэй болж, экспортын ачааны эргэлт нэмэгдэж, аялал жуулчлалыг хөгжүүлэх өндөр ач холбогдолтой гэв.

М.ХҮСЛЭН

Том оврын дөрвөн шинэ онгоцтой болно

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Холбоотой мэдээ

Нийт сэтгэгдэл (0)