• 7777 7777 8911 6964
  • sunny -5°C
  • 3426₮ ам.доллар
Гүржийн парламентад зодоон болж, идэвхтнүүд “гадаадын агент” хуулийн төслийг эсэргүүцэв

Admin | 2023-03-02

Энэ сарын 2-нд Гүрж улсын парламентын ордны өмнө зуу гаруй идэвхтэн “Гадаадын агентийн тухай” хоёр ч хуулийн төслийг батлахыг эсэргүүцэж жагссан байна. Тэд парламентын танхимд дээрх хуулийн төслүүдийг хэлэлцэж байхад хууль тогтоогчдод баримт бичгийг батлахгүй байхыг ятгахыг оролджээ. Хуулийн төслийг Засгийн газрыг дэмжигч “Ард түмний дуу хоолой” фракц болон “Гүржийн мөрөөдөл” намаас өргөн барьсан байна. “Ард түмний дуу хоолой” фракцын удирдагчдын нэг Гурам Мачарашвили хуулийн төслийг “Америкийн туршлагаас авсан” гэжээ. Тухайлбал, 1938 онд батлагдсан FARA (The Foreign Agents Registration Act) баримт бичгийг онцолсон аж.    

Сөрөг хүчнийхэн хуулийн төслийг “тэнэглэл” гээд, хуулийн төслийг ОХУ шиг “өөрөөр сэтгэдэг” иргэдийг хэлмэгдүүлэх зорилготой гэж нэрлэжээ. Байнгын хороод хуулийн төслийг хэлэлцэхээс өмнө иргэний нийгмийн идэвхтнүүд парламентын ордны хамгаалалтын албаныхантай зодолдсон байна. Сөрөг хүчний улстөрчид эгнээ болж жагсаж байгаад Оросын хуультай төстэй баримт бичгийг батлахыг дэмжсэн парламентын гишүүдэд хандаж “Путины боолууд” хэмээн хашгирчээ. “Эрх чөлөө” агентлагийн Гүржийн алба парламентын зодооны дүрс бичлэгийг нийтэлсэн байна.

 

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

Халтиргаа гулгаанаас үүдэлтэйгээр бэртэж гэмтсэн 44 хүн тусламж ү...
Нийслэлийн хэмжээнд 1128 зам талбайн үйлчлэгч 185 тусгай зориулал...
Хэнтийн уулархаг нутаг, Ерөө, Халх голын сав газраар цас орж, цас...
Нийт сэтгэгдэл (0)