• 7777 7777 8911 6964
  • sunny -5°C
  • 3426₮ ам.доллар
Монголын иргэн БНСУ-д хоёр жилийн тэнсэн харгалзах ял авчээ

Admin | 2023-03-20

  БНСУ-д хууль бусаар оршин сууж байсан 26 настай Монгол Улсын иргэн А нь согтууруулах ундааны зүйл хэрэглэсэн үедээ таксины жолооч 65 настай Б-г зодож улмаар автомашиныг нь хулгайлан мөргөлдүүлсэн хэрэг гарч, саяхан шүүхээр шийдвэрлэсэн талаар тус улсын хэвлэл мэдээлэв. Тодруулбал,

БНСУ-ын Инчонд өнгөрсөн оны наймдугаар сарын 07-ны өдрийн 01:30 цагийн орчимд Монгол Улсын иргэн А нь таксины жолооч Б-г түлхэж, биед нь халдсан байна. Б-д нуруу нугасны хугарал үүссэн тул 12 долоо хоног эмчилгээ хийлгэжээ. Мөн А нь Б-ийн автомашиныг хулгайлан жолоодож байх явцдаа 31 настай С-ийн "Аванте" маркийн автомашины урд хэсгийг мөргөж, зугтсан хэрэгт холбогджээ. Монгол иргэн нь 2019 оны есдүгээр сард тус улсад хилээр нэвтэрч, тухайн оны арванхоёрдугаар сарын 22-нд визний хугацаа нь дуусаж түүнээс хойш хууль бусаар оршин сууж байсан гэх мэдээлэл байна. Иймд тус улсын шүүхээс, “Монгол Улсын иргэн А нь гэмт хэрэг үйлдсэнээ хүлээн зөвшөөрч, хохирогч С-д учирсан хохирлыг нөхөн төлүүлэхээр тохиролцсон, мөн Солонгост урьд өмнө нь ял, шийтгүүлж байгаагүй, анх удаа гэмт хэрэг үйлдсэнийг харгалзан үзэж 2 жилийн тэнсэн харгалзах ял оноосон байна

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

Халтиргаа гулгаанаас үүдэлтэйгээр бэртэж гэмтсэн 44 хүн тусламж ү...
Нийслэлийн хэмжээнд 1128 зам талбайн үйлчлэгч 185 тусгай зориулал...
Хэнтийн уулархаг нутаг, Ерөө, Халх голын сав газраар цас орж, цас...
Нийт сэтгэгдэл (0)