• 7777 7777 8911 6964
  • sunny -5°C
  • 3426₮ ам.доллар
ОХУ-ын Эрхүү мужийн Амбан захирагч айлчилна

Admin | 2023-03-21

ОХУ-ын Эрхүү мужийн Амбан захирагч И.И.Кобзев гуравдугаар сарын 21-24-ний өдрүүдэд Монгол Улсад айлчилна. Түүний айлчлалын хүрээнд дараах арга хэмжээнүүд болно. Үүнд:

3-р сарын 22-нд 16.00 цагт: Эх хүүхдийн эрүүл мэндийн үндэсний төвд ОХУ-ын гавьяат эмч, дээд зэрэглэлийн хүүхдийн мэс заслын эмч, Эрхүү мужийн хүүхдийн эмнэлгийн ерөнхий эмч, Бүх Оросын “Орос улсын шилдэг эмч” тэмцээний 2010 оны ялагч, алдарт мэс засалч Ю.А.Козлов таван монгол хүүхдэд үнэ төлбөргүй мэс засал хийнэ. Түүний хийх нэг танилцуулах мэс засалд Эрхүү мужийн амбан захирагч байлцана. Дараа нь эмч сэтгүүлчдэд ярилцлага өгнө. Энэхүү ярилцлагад оролцохыг хүсвэл 16.00 цагт Эх хүүхдийн эрүүл мэндийн үндэсний төвд ирээрэй.

3-р сарын 23-нд 10.00 цагаас: Монголын Үндэсний Худалдаа, Аж үйлдвэрийн танхимд Орос-Монголын бизнес-форум болно, мөн 11.00-11.15 цагт Амбан захирагч И.И.Кобзев болон МҮХАҮТ-ын Ерөнхийлөгч О.Амартүвшин нар хэвлэлийнхэнд мэдээлэл өгнө.

3-р сарын 22-25-нд: Улаанбаатар дахь Русский домд “Азийн үүд хаалга” (“Ворота в Азию”) үзэсгэлэн зохион байгуулагдана. Уг үзэсгэлэнгийн гол зорилго нь Оросын болон Монголын ЖДҮ-ийн хооронд харилцаа холбоо тогтоох ба энэ удаад тус арга хэмжээнд Эрхүү мужийн 20 гаруй аж ахуй нэгж, байгууллага оролцох юм.

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

Халтиргаа гулгаанаас үүдэлтэйгээр бэртэж гэмтсэн 44 хүн тусламж ү...
Нийслэлийн хэмжээнд 1128 зам талбайн үйлчлэгч 185 тусгай зориулал...
Хэнтийн уулархаг нутаг, Ерөө, Халх голын сав газраар цас орж, цас...
Нийт сэтгэгдэл (0)