Tentsver.mn

“СҮНСТЭЙ ЯРИЛЦАГЧ” шинэ ном мэндэллээ

Admin | 2023-04-04

Зохиолч О.Өнөрцэцэгийн “Сүнстэй ярилцагч” шинэ ном мэндэллээ. Энэхүү номоороо зохиолч бидний дунд сүнс оршдог уу? Тэд юу хүсдэг вэ? Тэд бидэнтэй яаж харьцдаг вэ гэгчлэн олон зүйлийг уран зохиолын аргаар танд таниулах болно. Хүн бүр сүнстэй. Орчлон ертөнц дээр бодит оршихуйгаас гадна үл мэдэгдэх далд ертөнцүүд байдгийг ямар ч мэдрэмжтэй, мэдээлэлтэй хүмүүс хэлнэ. Тэд түүнийг яаж мэдрээд байна вэ? Сүнсээрээ л мэдэрч байгаа. Тэгэхээр энэхүү ном нь ерөнхийдөө сүнсний ертөнц, сайн муу сүнснүүд, хүмүүстэй хэрхэн харилцдаг вэ гэдгийг Бүргэд хэмээх нэгэн залуугийн амьдралаар харуулжээ.
Хэрвээ та гэнэтхэн л сүнс хараад эхэлбэл яах вэ? Тэд танаас юм хүсээд байвал юу хийх вэ? Айдсаа хэрхэн даван туулах вэ зэрэг асуултууд гол дүр Бүргэдэд маань ч тулгарсан байгаа. Харин тэр сүнснүүдтэй хэрхэн учраа олсон бол гэдгийг номноосоо үргэлжлүүлэн уншаарай!
Зохиолч О.Өнөрцэцэг нь 2014 оноос эхлэн уран бүтээлээ туурвиж эхэлсэн. Анх “Нууцлаг ертөнцийн зохиолууд” фэйж хуудсаараа дамжуулан өсвөр насны хүүхдүүдэд зориулан үлгэр, өгүүллэгүүдээ толилуулж эхэлсэн. 2016 онд Утга зохиол нийгмийн ажилтны дээд сургуулийг “Утга зохиол судлаач, зохиолч” мэргэжлээр дүүргэн өдгөө хүүхдэд зориулсан найман номыг гаргажээ.

ГАРГАСАН НОМУУД:
2014 онд “Нууцлаг ертөнцийн зохиолууд” үлгэр, өгүүллэгийн ном
2016 онд Шидтэнүүдийн сургууль-1
2017 онд Шидтэнүүдийн сургууль-2
2018 онд “Сүнстэй ярилцагч” зөн билгийн зохиол
2019 онд Шидтэнүүдийн сургууль-3
2020 онд Хуруу жаал
2021 онд Шидтэнүүдийн сургууль-4
2021 онд “Цэцэгсийн зүүд” үлгэр, өгүүллэгийн түүвэр
2022 онд Шидтэнүүдийн сургууль-5
2023 онд “Сүнстэй ярилцагч” номоо сайжруулсан хувилбараар дахин хэвлүүлээд байна.

“СҮНСТЭЙ ЯРИЛЦАГЧ” шинэ ном мэндэллээ

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Холбоотой мэдээ

Нийт сэтгэгдэл (0)