Tentsver.mn

Жүдогийн ДАШТ-ий эхний өдөр манай тамирчид медаль авч чадсангүй

Admin | 2023-05-08

Жүдо бөхийн 2023 оны дэлхийн аварга шалгаруулах тэмцээн Катарын нийслэл Доха хотод өчигдөр эхэллээ. Тэмцээн хөнгөн жингийн барилдаанаар эхэлсэн. Өчигдөр Дохагийн татамид эрэгтэй 60, эмэгтэй 48 кг-ын тамирчид өрсөлдөж аваргаа тодрууллаа. Монголын багаас эрэгтэйчүүдийн 60 кг жинд зодоглосон Энхтайваны Ариунболд Узбекистаны Дилшодбек Баратовтой шигшээ 32 шатанд таарч вазари үнэлгээгээр ялагдсанаар тэмцээнээ дуусгалаа. Хоёр тамирчин өнгөрсөн жилийн ДАШТ-ий хагас шигшээд учраа таарахад Э.Ариунболд ялж мөнгөн медаль хүртэж байв.

Эмэгтэйчүүдийн 48 кг-д Б.Баасанхүү, Г.Наранцэцэг хоёр барилдсан. Б.Баасанхүү эхний учраа Чилийн Мэри Ди Варгас Лей, дараа нь Бурундугийн Сигнолин Каняамунеза нарыг ялсан ч, 16-д Казахстаны Абиба Абужакыновад вазари үнэлгээгээр дийлджээ. Харин Г.Наранцэцэг эхний шатанд Тунисийн Умайма Бэдиоуи, хоёрдугаар тойрогт Австрийн Катарина Танзерийг ялаад, 16-д Аманда Лимад нэмэлт цагт цэвэр ялагдсанаар тэмцээнээ дуусгалаа.

Өнөөдөр манай бөхчүүдээс эрэгтэйчүүдийн 66 кг-ын жинд Б.Эрхэмбаяр, Ё.Басхүү, эмэгтэйчүүдийн 52 кг-д Л.Сосорбарам, М.Нандин-Эрдэнэ нар тус тус барилдана.

ДАШТ-ий эхний өдрийн медальтнууд:

Эрэгтэй 60 кг.