• 7777 7777 8911 6964
  • sunny -5°C
  • 3426₮ ам.доллар
Эмээлт эко аж үйлдвэрийн паркийг ХХААХҮЯ дэмжиж ажиллана

Admin | 2023-05-09

Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн, Эмээлт эко аж үйлдвэрийн парк НӨААТҮГ-ын захирал Б.Мягмар нар Хүнс, хөдөө аж ахуй, хөнгөн үйлдвэрийн сайд Х.Болорчулуун болон холбогдох албаныхантай уулзав.

Уулзалтаар Эмээлт эко аж үйлдвэрийн паркийн талаар санал солилцсон юм. Тодруулбал, паркийн дэд бүтцийг Дэлхийн банкны санхүүжилтээр “Улаанбаатар хотын өрсөлдөх чадвар, нөхөн сэргээлтийг дэмжих төсөл”-ийн хүрээнд бүтээн байгуулах тухай хэлэлцлээ.

Эмээлт эко аж үйлдвэрийн паркийг байгуулснаар арьс ширэн түүхий эдийн гүн боловсруулалтын түвшин 50 хувиар нэмэгдүүлж, нийт боловсруулах арьс ширний 80 хувийг гүн боловсруулах боломжтой болох юм. Ингэснээр жилд 3 сая хос гутал үйлдвэрлэж, одоо байгаа үйлдвэрлэлийн хүчин чадлаа даруй гурав дахин нэмэх аж. Мөн сүүлийн үеийн техник, технологид суурилсан бохир ус цэвэрлэх байгууламжийг ашиглалтад оруулж, одоогийн бохир ус цэвэршүүлэгчийн түвшин 3-4 дахин нэмэх боломжтой.

Ийнхүү тус паркийн бүтээн байгуулалтыг Хүнс, хөдөө аж ахуй, хөнгөн үйлдвэрийн яамнаас дэмжин, Засгийн газрын хуралдаанаар хэлэлцүүлэхээр боллоо.

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

Аюулт үзэгдэл, ослын 115 удаагийн дуудлагаар үүрэг гүйцэтгэж, 13...
Т.ДАВААДАЛАЙ: Автомашины импортыг хязгаарлаагүй бөгөөд улсын дуга...
Арванхоёрдугаар сард багтаан Туулын хурдны замын тендерийг зарлан...
Нийт сэтгэгдэл (0)