Валентины өдрийн тухай сонирхолтой 11 баримт

Admin | 2022-02-13

Эртний Ромын хаан II Клауд дайны үед эрчүүд хүнтэй гэрлэхийг хориглосон ч Валентин хэмээх нэртэй лам эзэн хааны тус зарлигийг зөрчиж нэгэн залуу хосын гэрлэлтийг нууцаар баталж өгөөд цаазын ял сонссон юм. Валентин ламын дурсгалыг хүндэтгэн хоёрдугаар сарын 14-ний өдрийг хайртай хосуудын тэмдэглэлт баяр болгосон аж.

1. Иран болон Саудын Арабт Гэгээн Валентины өдрийг хориглосон байдаг, хууль зөрчвөл их хэмжээний торгууль төлнө.
2. Жилд дунджаар 220 мянган хүн Валентины баяраар хайртдаа гэрлэх санал тавьдаг байна. Лэйди Гага, Кристина Агиллера, Салма Хайк, Адриана Лима, Мег Раян зэрэг алдартай бүсгүйчүүд Валентины өдөр сүй тавих, гэрлэх санал авч байжээ.
3. Гэгээн Валентины өдрийн өглөө гэрлээгүй эсрэг хүйстнийхээ хүнтэй таарвал тэр хүн нь ирээдүйн хань нь болно гэж дундад зууныхан итгэдэг байжээ.
4. Баруун Европт Гэгээн Валентины өдрийг XIII зуунаас харин АНУ-д 1777 оноос эхлэн өргөн тэмдэглэх болсон байна.
5. Хүмүүс Валентины баяраар хамгийн Nh үздэг киноны жагсаалтад “Хөөрхөн хүүхэн” (Pretty woman), “Сүнс” (Ghost), “Бриджит Жонесын өдрийн тэмдэглэл” (The Diary of Bridget Jones) зэрэг кинонууд орсон байна.
6. Жил бүр Гэгээн Валентины өдрөөр дэлхий даяар 50 сая гаруй сарнай худалдаалагддаг гэнэ.
7. Гэгээн Валентины өдөр шоколад, чихрийн худалдааны орлого нэг тэрбум гаруй ам.доллар давдаг гэнэ.
8. Жил бүр Гэгээн Валентины өдрөөр Шекспирийн зохиолын Ромео , Жульетта амьдарч байсан Верона руу Жульеттагийн нэр дээр 1000 орчим захидал ирдэг аж.
9. Япончуудын хувьд Гэгээн Валентины өдөр эрчүүдийн баяр болдог. Энэ өдөр эрчүүд нь төрөл бүрийн бэлэг, мэндчилгээнд дарагддаг гэнэ. Харин сарын дараа Цагаан өдөр тохиож, энэ өдрөөр бүсгүйчүүдээ хариу баярлуулдаг юм байна.
10. Иран болон Саудын Арабт Гэгээн Валентины өдрийг хориглосон байдаг, хууль зөрчвөл их хэмжээний торгууль төлнө.
11. "Durex" компанийн хийсэн тооцооллоор Гэгээн Валентины өдрөөр бэлгэвчний борлуулалт 25 хувиар өсдөг гэнэ. Харин валентины өдрөөс хойш  жирэмснийг шалгах сорилын эрэлт эрс нэмэгддэг байна.