• 7777 7777 8911 6964
  • sunny -5°C
  • 3426₮ ам.доллар
Далайд гарцгүй хөгжиж буй орнуудын олон улсын судалгааны төвийн захирлаар Д.Дөлгөөнийг сонгожээ

Admin | 2022-02-16

Далайд гарцгүй хөгжиж буй орнуудын олон улсын судалгааны төвийн Захирагчдын зөвлөлийн  цахим уулзалт боллоо. Далайд гарцгүй хөгжиж буй орнуудын Засгийн газар хороондын энэхүү байгууллагын төв нь Улаанбаатар хотноо байрладаг юм. Далайд гарцгүй хөгжиж буй орнуудын олон улсын судалгааны төвийн Захирагчдын зөвлөл нь “Далайд гарцгүй хөгжиж буй орнуудын Олон улсын судалгааны төвийг байгуулах олон талт хэлэлцээр”-т нэгдсэн улсуудын төлөөллөөс бүрдэж, жилд нэг удаа хуралддаг юм.

Уулзалтын үеэр тус байгууллагын үйл ажиллагааны дүрмийн дагуу судалгааны төвийн Захирагчдын зөвлөлийн 2022 оны даргаар Непал улс, дэд даргаар Бутан улс сонгогджээ. Мөн уулзалтаар Далайд гарцгүй хөгжиж буй орнуудын олон улсын судалгааны төвийн гүйцэтгэх захирлын сонгууль болсон байна. Монгол Улсын Засгийн газраас нэр дэвшсэн Дамдин-Одын Дөлгөөн Захирагчдын зөвлөлийн гишүүдийн дэмжлэгийг авч, тус судалгааны төвийн гүйцэтгэх захирлаар сонгогджээ. Тэрээр Далайд гарцгүй хөгжиж буй орнуудын олон улсын судалгааны төвийн гүйцэтгэх захирлаар гурван жилийн хугацаанд ажиллах юм байна.

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

Аюулт үзэгдэл, ослын 115 удаагийн дуудлагаар үүрэг гүйцэтгэж, 13...
Т.ДАВААДАЛАЙ: Автомашины импортыг хязгаарлаагүй бөгөөд улсын дуга...
Арванхоёрдугаар сард багтаан Туулын хурдны замын тендерийг зарлан...
Нийт сэтгэгдэл (0)