Tentsver.mn

Өнөөдөр болох үйл явдлын тойм

Admin | 2022-03-21

10:00 цагт Төрийн ордонд Төсвийн байнгын хорооны хуралдаан

11:30 цагт Нийгмийн бодлогын байнгын хорооны хуралдаан болно.

09:00 цагт МҮХАҮТ-д “Монголын эдийн засгийн чуулган 2022”-ын "Төрийн бүтээмжийн сэргэлт” урьдчилсан хэлэлцүүлэг болно.

09.00 цагт ЦУОШГ-т Аялал жуулчлалын тухай хууль тогтоомж, тогтоол шийдвэр, дүрэм журам, стандартыг боловсронгуй болгох хэрэгцээ шаардлагыг тодорхойлох цуврал хэлэлцүүлэг төрийн захиргааны байгууллага болон харьяа байгууллага, холбогдох мэргэжлийн байгууллагуудын оролцоотойгоор үргэлжилнэ.

10:00 цагт Цэнгэг усны нөөц, байгаль хамгаалах төвд "Цэнхэр алт" үндэсний хэлэлцүүлэг болно. Хэлэлцүүлгийг Байгаль орчин, аялал жуулчлалын яам, Усны газар, Монголын байгаль орчны иргэний зөвлөлөөс хамтран зохион байгуулна.

11:00 цагт Улсын Ерөнхий прокурорын газарт Хэвлэлийн редакцууд нэгдэж Улсын Ерөнхий Прокурор Б.Жаргалсайханд Хөгжлийн банкны асуудлаар шаардлага хүргүүлнэ.

11:30-12:20 цагт "Үндэсний мэдээллийн төв"-д "Иргэний нийгмийн орон зайд хэвлэл мэдээллийн гүйцэтгэх үүрэг" хэвлэлийн хурал болно. Хурлаар иргэний нийгмийн асуудлаарх судалгааны онцлох үр дүнгүүд болон, иргэний нийгмийн байгууллагуудын байр суурийг танилцуулна.

14:00-18:00 цагт ШУТИС-ийн Эрдэм шинжилгээний инновацын төв байранд “Ус – хөгжлийн тулгуур сэдэв” эрдэм шинжилгээний хурал болно.

11:00 цагт Монгол ньюс мэдээллийн төвд ХЗДХ-ийн сайд Х.Нямбаатар Захиргааны ерөнхий хууль зөрчиж журам баталсан асуудлаар Монголын Үндэсний Сурын Холбооноос хэвлэлийн хурал хийнэ.

12:00 цагт Хөдөлмөрийн Үндэсний Намын бүлгийн нийслэл, дүүргийн төлөөлөгч нар хүүхдийн паркийн талаарх асуудлаар мэдээлэл хийнэ.