8911 6964
-5
Ц.ТУВААН: Нас барсан иргэний тэтвэрийн зээлийг чөлөөлөх хуулийн төсөл боловсруулсан
УИХ-ын гишүүн Ц.Туваан мэдээлэл хийлээ. Тэрээр тэтгэвэрийн зээлтэй өндөр настан нас барсан тохиолдолд зээлээс чөлөөлдөг байх тухай хуулийн төсөл боловсруулжээ. Ц.Туваан “Монгол Улсад 450 мянган өндөр настан тэтгэвэр авч байна. Эдгээр хүмүүсийн зарим нь тэтгэврийн зээлтэй үедээ ертөнцийн жамаар хорвоогийн мөнх бусыг үзүүлэхэд тухайн зээлийг ар гэрийнхэн нь төлдөг тогтолцоо одоо үйлчилдэг. Үүнийг чөлөөлөх хэрэгтэй. Өнөөдрийн байдлаар бүрэн тэтгэврийн доод хэмжээ 350 мянга, хувь тэнцүүлсэн тэтгэврийн доод хэмжээ 300 мянган төгрөг орчим байна. Өргөн хэрэглээний бараа, бүтээгдэхүүний үнэ ихээр нэмэгдэж байгаа энэ үед өндөр настнуудын тэтгэвэр амжиргаанд нь хүрэлцэхгүй байна. Тиймээс нийгмийн асуудлыг шийдэх зорилгоор уг хуулийн төслийг боловсруулсан. Хуулиар тэтгэвэрт гарах насыг нэмэгдүүлж байгаа. Тодруулбал, эрэгтэй 65, эмэгтэй 60 настай тэтгэвэрт гардаг болох бөгөөд энэ насанд хүргэхийн тулд улирал тутам гурван сараас тэтгэвэрт гарах насыг ахиулж байна. Гэтэл Монгол эрэгтэй хүний дундаж наслалт 66 байна гэдэг судалгаа гарсан. Тэгэхээр эрэгтэй хүн 65 настайдаа тэтгэвэрт гарлаа гэж бодоход дунджаар нэг жил л тэтгэврийн мөнгө авах нь. Энэ бол шударга бус. Яагаад гэвэл тухайн хүн нас туршлаа нийгмийн даатгалын шимтгэлийг цаг тухайд нь төлсөн. Хэрэв ийм асуудал тулгарвал үүсэх асуудлыг энэ хуулиар шийдвэрлэх юм" гэв.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
Холбоотой мэдээ
