Tentsver.mn

Б.ГАНБАТ: Дунд сургуульдаа онц сурдаг хүүхдүүд илүү их орлого олдог

Admin | 2023-09-19

Боловсрол, шинжлэх ухааны сайд Л.Энх-Амгалан "Дунд сурдаг хүүхэд ирээдүйд илүү амжилтад хүрдэг" гэсэн утгатай сэтгэгдэл цахим хуудсандаа оруулсан. Энэ нь олон нийтийн шүүмжлэлийг дагуулаад байгаа юм. Учир нь БШУ-ны салбарын сайд хүн боловсролын системээ үгүйсгэсэн нь олны эргэлзээг төрүүлж байгаа юм. Тэгвэл энэ талаар МУИС-ийн багш Б.Ганбат дараах тайлбарыг хийжээ.

Тааруу сурдаг хүүхдүүд сайхан амьдардаг, мөнгө их олдог. Манай ангийн гавал тааруухан амьдарч байна гэх мэт юм манайд хүчтэй явдаг. Нийтээр муу сурч байхад муу сурдаг хүүхэд сайхан амьдардаг гэдэг нийгэмд таалагдана. Харамсалтай тийм юм байхгүй гэдгийг олон судлаачид судлаад тогтоочихсон. Боловсролын түвшин өсөх тусам орлого нь өсдөг. https://www.bls.gov/.../data-on-display/education-pays.htm
Доктор зэрэгтэй хүн дипломгүй хүнээс гурав дахин их цалинтай. Манай ангийн гавал тааруухан амьдарч гэдэг балай юм муу сурдаг байсан хүмүүст таалагдаг нь атаархуу зантай холбоотой гэж боддог. Дунд сургуульдаа онц сурдаг хүүхдүүд илүү их орлого олдог https://phys.org/.../2014-05-high-school-gpa-affect... .
Манайхан маргахаараа онцгой дахин давтагдахгүй ховор хүмүүсийг дурддаг. Уучлаарай тэр чинь дахиж давтагдахгүй. Тэрбум хүнд 2-3 л төрнө. Нас ахиад хэл сайн сурсан хүн байдаг. Жишээ нь: Ренчин гуай. Ренчин гуай дахин давтагдахгүй.
Facebook, Tesla, Microsoft байгуулсан хүмүүс их сургууль төгсөөгүй гэх. Эд нар бас онцгой ховор хүмүүс. Энэ хүмүүст Facebook, Tesla, Microsoft хийх санаа, хэрэгжүүлэх чадвар байсан.Ганц нэг онц сурдаг хүүхэд архичин болоо л биз. Ихэнх нь сайхан амьдарч байгаа. Судлаад тогтоочихсон юм. Онцгой ховор үзэгдлээр жишээ авахаа болиод хүмүүсийн судлаад гаргаад ирсэн давтагдаг зүйлийг ярьцгаая. Цукерберг их сургууль төгсөөгүй гэж хүүхдийг сумлаж болох ч тэр хүүхэд Цукерберг шиг болох магадлал ~0.00000001% буюу бараг боломжгүй. Тиймээс хүүхдүүдээ хичээлээ сайн хий.

Б.ГАНБАТ: Дунд сургуульдаа онц сурдаг хүүхдүүд илүү их орлого олдог

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Холбоотой мэдээ

Нийт сэтгэгдэл (0)