• 7777 7777 8911 6964
  • sunny -5°C
  • 3426₮ ам.доллар
21-25 насны дөрвөн хүн мансууруулах бодис хэрэглэсэн байдалтай байсныг шалгаж байна

Admin | 2024-01-04

21-25 насны нэг эмэгтэй, гурван эрэгтэй мансууруулах төрлийн бодис хэрэглэснийг таслан зогсоон, мөрдөн шалгах ажиллагааг явуулж байгааг Цагдаагийн байгууллагаас мэдээллээ.

Тодруулбал өчигдөр Сүхбаатар дүүргийн 7 дугаар хорооны нутаг дэвсгэрт орон сууцны байрны гадна “Сэжиг бүхий хүмүүс байна” гэх дуудлага, мэдээлэл бүртгэгдсэн байна. Энэ дагуу шалгахад 21-25 насны нэг эмэгтэй, гурван эрэгтэй мансууруулах төрлийн бодис хэрэглэсэн байжээ.

Зөрчлийн тухай хуулийн 5.1 дүгээр зүйлийн 3-д “Мансуурсан нь эрүүгийн хариуцлага хүлээлгэхээргүй бол хүнийг нэг зуун нэгжтэй тэнцэх хэмжээний төгрөгөөр торгох, эсхүл албадан сургалтад хамруулж долоогоос гуч хоногийн хугацаагаар баривчлах шийтгэл оногдуулна” гэж заасан байдаг.

Иргэд гэмт хэрэг, зөрчлийн талаар олж мэдсэн зүйлээ цагдаагийн байгууллагын 102 тусгай дугаарт мэдээлэл өгч, урьдчилан сэргийлэхийг зөвлөлөө.

Цагдаагийн байгууллагын 102 тусгай дугаарт өчигдөр нийт 1,879 дуудлага, мэдээлэл бүртгэгдсэнээс зөрчлийн шинжтэй 1,486, гэмт хэргийн шинжтэй 94 дуудлага, мэдээлэл иржээ.

Мөн гэмт хэргийн шинжтэй 55 үйлдлийг шуурхай илрүүлж, урьд өмнө бүртгэгдсэн 19 хэргийг нөхөн илрүүлсэн байна.

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

Арванхоёрдугаар сард багтаан Туулын хурдны замын тендерийг зарлан...
Ихэнх нутгаар цаг агаар тогтуун, өдөртөө дулаан байна
Ханбогд сумын дэд бүтэц, бүтээн байгуулалтын ажлын явцтай танилца...
Нийт сэтгэгдэл (0)