Tentsver.mn

З.БАТБАЯР: Худаг ухах зөвшөөрлийг шууд олгохгүй. Тоолууржилтын нөхцөл тавина

Admin | 2024-05-01

Байгал Орчин, Аялал Жуулчлалын Яам /БОАЖЯ/-ны ээлжит хурал болж энэ үеэр Улаанбаатар хотод худгийн зөвшөөрөл дахин олгохгүй байх талаар Усны газраас мэдээлэл өглөө. Усны газрын дарга З.Батбаяр "Монгол Улсын хэмжээнд 70.000 худаг байдгаас 17.000 нь Улаанбаатар хотод байна. 17.000 гэдэг ч дутуу буюу худлаа тоо. Ихэнх иргэд худгийнхаа дүн мэдээг өгдөггүй. 2010-аад оноос эхэлсэн тоолууржилтын хоёрдугаар аяныг хэрэгжүүлэх гэж байна. Усны эх үүсвэр дээр тоолуургүйгээр ус ашиглаж байвал усыг зөвшөөрөлгүй ашиглаж байна гэж үзнэ. Төвийн шугамд холбогдох боломжтой газарт худаг өрөмдөхийг хориглосон учир Улаанбаатар хотод захын хэсгүүдэд л худаг өрөмдөх зөвшөөрлийг өгдөг. Нийслэлийн байгаль орчны газарт бид худаг өрөмдөх зөвшөөрлийг өгөхдөө тоолууржуулах нөхцөлийг хангаж өгөөрэй гэсэн шаардлагыг тавьж байгаа. Айл болгон худагтай байх хэрэгтэй юу? Нэг худгийг өрөмдүүлэхэд хамгийн багадаа 20 сая төгрөгийн зардал гарч байгаа. Гэтэл дээврийнхээ усыг цуглуулбал танаас 20.000 төгрөгийн ч зардал гарахгүй байж магадгүй. Түүнчлэн нэг худгийг тойроод 30-40 жорлон байхад тэр худаг эрүүл байх үндэстэй юу? Өөрийнхөө үр хүүхдийг жорлонгийн бохир усаар хангаж байна л гэсэн үг. Тиймээс худаг гаргах зөвшөөрлийг тоолууржилтын нөхцөл хангасан байх шаардлага тавина" гэв.

З.БАТБАЯР: Худаг ухах зөвшөөрлийг шууд олгохгүй. Тоолууржилтын нөхцөл тавина

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Холбоотой мэдээ

Нийт сэтгэгдэл (0)