• 7777 7777 8911 6964
  • sunny -5°C
  • 3426₮ ам.доллар
Сүхбаатарын талбайд энэ сарын 11-нд Европын өдөрлөг болно

Admin | 2024-05-09

Европын холбооноос Монгол Улсад суугаа Төлөөлөгчийн газраас энэ сарын 11-нд Сүхбаатарын талбайд “Европын өдөрлөг” зохион байгуулах гэж байна.

Энэ жил Монгол Улс болон Европын Холбоо дипломат харилцаа тогтоосны 35 жилийн ойг тэмдэглэн өнгөрүүлж буйгаараа онцлог юм. Өдөрлөгийн үеэр Европын Холбооны гишүүн орнуудын соёл уламжлалтай танилцаж, үндэсний хоол амттанаар дайлуулан, хөгжөөнт тоглоом тоглож, урлагийн тоглолт үзэхээс гадна Европын холбооны гишүүн улсууд руу аялах боломж, шенгений виз хэрхэн авах талаар дэлгэрэнгүй зөвлөгөө мэдээлэл өгөх юм.

Европын Холбооны асраар зочилж, боловсролын Эрасмус+ тэтгэлэг, солилцооны хөтөлбөрийн талаар мэдээлэл авах, төгсөгчидтэй уулзаж зөвлөгөө авах боломжтой. Европын онцлогийг харуулсан өвөрмөц уламжлал, онцгой соёл, аялал жуулчлал, боловсролын боломжууд, бүтээгдэхүүн зэрэг хэрэгтэй мэдээллийг 70 гаруй асарт бүтэн өдрийн туршид толилуулахаар бэлтгэсэн байна. Түүнчлэн Европын Холбооны санхүүжилтээр Монгол Улсад хэрэгжүүлж байгаа төсөл хөтөлбөрүүд, аж ахуйн нэгжүүд үйл ажиллагаагаа танилцуулна.

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

Арванхоёрдугаар сард багтаан Туулын хурдны замын тендерийг зарлан...
Ихэнх нутгаар цаг агаар тогтуун, өдөртөө дулаан байна
Ханбогд сумын дэд бүтэц, бүтээн байгуулалтын ажлын явцтай танилца...
Нийт сэтгэгдэл (0)