Онцгой байдлын газарт галын зургаан дуудлага иржээ

Admin | 2024-10-02

Онцгой байдлын газарт дараах гал түймрийн дуудлага иржээ.

- Дархан-Уул аймаг, Дархан сум. 2 дугаар багт хашаа шатаж байна гэсэн дуудлагыг 10.01-ний өдрийн 12:25 цагт хүлээн авсан. Тус аймгийн Онцгой байдлын газрын Гал түймэр унтраах, аврах 54 дүгээр ангийн алба хаагчид 2.5 км замыг туулан 12:29 цагт очиход иргэн А-ийн 1х1 метрийн хэмжээтэй жорлон шатаж байсныг 4 минут ажиллаж унтраасан.     

- Улаанбаатар хот, Баянгол дүүрэг. 33 дугаар хороонд хогийн цэг шатаж байна гэсэн дуудлагыг 10.01-ний өдрийн 13:10 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 2.5 км замыг туулан 13:20 цагт очиход байрны гаднах хогийн цэг шатаж байсныг 5 минут ажиллаж унтраасан.

- Улаанбаатар хот, Баянзүрх дүүрэг. 24 дүгээр хороонд амбаар шатаж байна гэсэн дуудлагыг 10.01-ний өдрийн 14:36 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид 3.5 км замыг туулан 14:47 цагт очиход иргэн П-ийн 6х8 метрийн хэмжээтэй байшингийн 3х4 метрийн хэмжээтэй галлагааны өрөөний дээврийн хэсэг шатаж байсныг 5 минут ажиллаж унтраасан.

- Дархан-Уул аймаг, Дархан сум. 5 дугаар багт талхны цехээс утаа гарч байна гэсэн дуудлагыг 10.01-ний өдрийн 17:35 цагт хүлээн авсан. Тус аймгийн Онцгой байдлын газрын Гал түймэр унтраах, аврах 54 дүгээр ангийн алба хаагчид 8 км замыг туулан 17:45 цагт очиход иргэн С-ийн эзэмшлийн 7х9 метрийн хэмжээтэй талхны цехийн зуух халалт өгч, шилэн хөвөн шатаж байсныг 30 минут ажиллаж унтраасан.     

- Булган аймаг, Бугат сум. Ханжаргалант багт суудлын автомашин шатаж байна гэсэн дуудлагыг 10.01-ний өдрийн 17:45 цагт хүлээн авсан. Тус аймгийн Онцгой байдлын газрын Гал түймэр унтраах, аврах 20 дугаар ангийн алба хаагчид 7 км зам туулан 17:50 цагт очиход иргэн Л-ын “Тоёота вангорд” загварын суудлын автомашин шатаж байсныг 38 минут ажиллаж унтраасан.

- Хэнтий аймаг, Бор-Өндөр. Уурхайчин багт байшингийн дээвэр шатаж байна гэсэн дуудлагыг 10.01-ний өдрийн 19:04 цагт хүлээн авсан. Тус аймгийн Онцгой байдлын газрын Бор-Өндөр сум дахь Онцгой байдлын хэлтсийн Гал түймэр унтраах, аврах 49 дүгээр ангийн алба  хаагчид 1.2 км замыг туулан 19:06 цагт очиход иргэн О-ийн 8х10 метрийн хэмжээтэй байшингийн дээврийн хэсэг шатаж байсныг 11 минут ажиллаж унтраасан.

- Дорноговь аймаг, Замын-Үүд сум. Хилчин багийн “Үүд” хороололд байшингийн дээвэр шатаж байна гэсэн дуудлагыг 10.01-ний өдрийн 22:05 цагт хүлээн авсан. Тус аймгийн Онцгой байдлын газрын Замын-Үүд сум дахь Онцгой байдлын хэлтсийн Гал түймэр унтраах, аврах 17 дугаар ангийн алба хаагчид 2 км замыг туулан 22:10 цагт очиход иргэн Г-ийн  5х10 метрийн хэмжээтэй байшингийн дээврийн хэсэг шатаж байсныг 25 минут ажиллаж унтраасан.

- Улаанбаатар хот, Баянзүрх дүүрэг. 31 дүгээр хороо, Монелын 33 дугаар гудамжинд байшин шатаж байна гэсэн дуудлагыг 10.01-ний өдрийн 22:16 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид 9 км замыг туулан 22:31 цагт очиход иргэн Э-ын 8х10 метрийн хэмжээтэй 2 давхар байшингийн дээврийн хэсэг шатаж байсныг 40 минут ажиллаж унтраасан.

Хүний үйл ажиллагаатай холбоотой осол. Төөрсөн, сураггүй болсон: 

- Сэлэнгэ аймаг, Ерөө сум. Буурагчин багийн “Гүн толгой” гэдэг газар  /аймгийн төвөөс баруун урд зүгт 98 км, сумын төвөөс зүүн урд зүгт 22 км/ малчин Ж нь 09.20-ны өдрийн 15:00 цагийн орчимд гэрээсээ Ерөө сумын төв рүү явна гэж морьтой гараад сураггүй алга болсон бөгөөд унаж явсан морь нь 09.21-ний өдрийн 12:00 цагийн орчим усанд норсон байдалтай гэрийнхээ гадна гүйж ирсэн. Тус аймгийн Цагдаагийн газраас тухайн иргэнийг 09.21-ний өдрөөс эрэн сурвалжлах ажиллагааг зохион байгуулсан боловч үр дүнд хүрээгүй тул эрэн хайх ажиллагааг зохион байгуулах тухай хүсэлтийг 09.25-ны өдрийн 19:14 цагт аймгийн Цагдаагийн газраас хүлээн авсан. Тус аймгийн Онцгой байдлын газрын Эрэн хайх, аврах ангийн алба хаагчид, иргэн Ж/33 настай, эрэгтэй/-ийг 10.01-ний өдрийн 08:00 цагаас Жаргалант сумын Бумбат багийн “Наян миль” гэдэг газраас баруун зүгт “Цагаан-Эрэг” гэдэг газар хүртэл нийт 65 км-т “Ерөө” голын усаар завьтай урсаж эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 19:00 цагт зогсоосон. Ар гэрийнхэнтэй нь зөвшилцсөнөөр эрэн хайх ажиллагааг зогсоосон.

- Сүхбаатар аймаг, Онгон сум. Нүдэн багийн “Данжуурын дэрс” гэдэг газар /аймгийн төвөөс баруун урд зүгт 143 км, сумын төвөөс хойд зүгт 17 км/  Тус сумын харьяат малчин У нь 09.25-ны өдрийн 15:00 цагийн орчимд гэрээсээ явган гараад сураггүй болсон тухай дуудлагыг 09.28-ны өдрийн 10:17 цагт хүлээн авсан. Малчин У/68 настай, эрэгтэй/-г эрэн хайх ажиллагааг 09.28-ны өдрөөс 09.30-ны өдрийг дуустал зохион байгуулаад ар гэрийнхэнтэй нь зөвшилцсөнөөр 10.01-ний өдрийн 09:30 цагт зогсоосон.

ОНЦГОЙ БАЙДЛЫН ЕРӨНХИЙ ГАЗАР