Tentsver.mn

“ИРГЭНИЙ АНДГАЙ ӨРГӨХ” ЁСЛОЛЫН АРГА ХЭМЖЭЭ БОЛЛОО

Admin | 2024-11-25

Хан-Уул дүүргийн Засаг даргын 2021-2024 онд хэрэгжүүлэх үйл ажиллагааны хөтөлбөрийн хүрээнд 16 нас хүрсэн залуучууд нийгмийн өмнө үүрэг хүлээж, эх орны хөгжил цэцэглэлтэд хувь нэмэр оруулж, чин шударга иргэн байх үүргээ ёс төртэйгөөр биелүүлэхээ андгайлан тангараглах ёслолын үйл ажиллагаа зохион байгуулагдлаа.

Уг арга хэмжээ нь залуу үеийнхэнд эх оронч сэтгэлгээг төлөвшүүлэх, төр улсаа эрхэмлэн дээдлэх, эх орон ард түмнийхээ өмнө хүлээх хариуцлагаа ухамсарлан чин шударгаар амьдрах, түүх соёлоороо бахархах үзлийг төлөвшүүлэх зорилготой.

Иргэний андгай өргөх ёслолын үйл ажиллагааг дүүргийн Засаг даргын орлогч Ч.Базарзаяа нээж, залуучуудад баяр хүргэн иргэний үнэмлэхийг гардуулан өглөө. Хан-Уул дүүргийн чиг үүргийн байгууллагууд хамтран 7 дахь жилдээ зохион байгуулагдаж буй тус арга хэмжээнд дүүргийн төрийн болон төрийн бус өмчийн ЕБ-ын 24 сургуулийн 16 нас хүрсэн 120 гаруй сурагчдад иргэний үнэмлэхээ гардан авлаа.

МОНГОЛ_УЛСЫН_ИРГЭНИЙ_АНДГАЙ

Төрт ёс эртний их түүх соёлтой Тусгаар тогтносон Монгол улсын иргэн-Би

Хүчирхэг төрийнхөө дор, хуулийг чандлан сахиж

Эв нэгдэл, эрх чөлөөг дээдлэн Эх орон, тусгаар тогтнолоо, амилан хайрлаж

Хүмүүнлэг иргэний ардчилсан нийгмийн төлөө

Эрдэм боловсролтой хүнлэг, энэрэнгүй, журамт иргэн байхаа

Эх орон эрэлхэг дээдсийн удам, ард түмэндээ андгайлж байна.