Хэмжил зүйн ЗӨВЛӨГӨӨН боллоо

Admin | 2024-12-10

    Монгол Улсын Шадар сайдын баталсан хөтөлбөрийн дагуу өнөөдөр /2024.12.09/-ны өдөр хэмжил зүйн зөвлөлийн хуралдаан зохион байгууллагдлаа. Хэмжил зүйн Зөвлөлийн хуралдаанаар дараах компаниудын хүсэлтийг шийдвэрлэсэн юм.

Тодруулбал, Монгол Чилү Жүшин ХХК-ий хүсэлтээр БНХАУ-ын Shandong Haoquan Water Meter компанид үйлдвэрлэсэн LXSC (DN15) LoRaWan сүлжээний функцтэй халуун, хүйтэн усны тоолуур, Дархан-Уулын их нарст ХХК-ийн хүсэлтээр ОХУ-ын ООО ПК Норма Измерительные Системы (OOO ПК "НИС") компанид үйлдвэрлэсэн СВКМ15У загварын халуун, хүйтэн усны тоолуурын загварыг, Стандарт тоолуурын хэмжүүр ХХК-ийн хүсэлтээр БНХАУ-ын Ningbo Jinhai Instument Co., Ltd компанид үйлдвэрлэсэн LXSC(1550), LXSC(50200) загварын халуун, хүйтэн усны тоолуурын /универсал/ загварыг, МСЭЛ ХХК-ийн хүсэлт болгосон ОХУ-ын Инкотекс Электроникс Групп (OOO ИЭГ) компанид үйлдвэрлэсэн Меркурий 234 загварын 3 фазын цахилгааны тарифт электрон тоолуурын загварыг Мэйжүрмэнт ХХК-ийн хүсэлт болгосон БНХАУ-ын Shenzhen Kaifa Technology (Chengdu) Co.,Ltd компанид үйлдвэрлэсэн MP101C, MP307, MA309M загварын 1 ба 3 фазын цахилгааны тарифт электрон тоолуурын загваруудыг Монгол Улсад ашиглахыг зөвшөөрч, хэмжил зүйн мэдээллийн улсын нэгдсэн санд 3 жилийн хугацаатай бүртгэхээр тус тус шийдвэрлэлээ.

Мөн хэмжих хэрэгслийг үйлдвэрлэх, импортлох, суурилуулах, засварлах үйл ажиллагаа эрхлэх аж ахуйн нэгж байгууллагын чадавхад үнэлгээ хийсэн ажлын хэсгийн дүгнэлтээр Монгол Улсад ашиглахыг зөвшөөрсөн, Хэмжил зүйн мэдээллийн улсын нэгдсэн санд бүртгэгдсэн загварын усны тоолуур, дулааны тоолуур импортлох "Глобал электроникс" ХХК болон цахилгааны тоолуур, усны тоолуур засварлах Хэмжил тохируулгын лаборатори ХХК-иудыг тус тус Хэмжил зүйн мэдээллийн улсын нэгдсэн санд 5 жилийн хугацаатай бүртгэхээр болсон байна.

Энэ үеэр СХЗГ-ын Хэмжил зүйн бодлогын газрын дарга Д.Нарангэрэл Хэмжил зүйн зөвлөлийн хуралдааны 2024 оны товч тайлан, мэдээлэл, танилцуулга, Улсын эталон, хэмжих хэрэгслийн загварын туршилт, /анхдагч болон ээлжит/ шалгалт баталгаажуулалтын талаарх хийсэн ажлын тайлан, мэдээллийг танилцууллаа.