Tentsver.mn

Хан-Уул дүүргийн 14 дүгээр хорооны шинэ өрхийн эмнэлэг ашиглалтад орлоо

Admin | 2023-02-08

Хан-Уул дүүргийн 14 дүгээр хороо буюу Өлзийт хороололд шинэ өрхийн эрүүл мэндийн төв өнөөдөр ашиглалтад орлоо. Өлзийт хороолол 6000 гаруй хүн амтай, 1900 орчим өрхтэй бөгөөд олон улсын стандарт бүхий жишиг өрхийн эрүүл мэндийн төвийн ашиглалтад орсноор Өлзийт хорооллын 6000 гаруй иргэд тав тухтай орчинд эрүүл мэндийн анхан шатны тусламж үйлчилгээг гэрийнхээ ойроос авах боломж болж байна.

Хоёр давхар жишиг төв нь хүүхдийн болон эмчийн үзлэгийн өрөө, дархлаажуулалт, шинжилгээ, сэргээн засах физик эмчилгээний болон зүрхний цахилгаан бичлэг, ЭХО, шүдний кабинет, чийрэгжүүлэлтийн өрөөтэй, эрүүл мэндийн нийгмийн ажилтан, сувилагчийн өрөөг ажлын болон амралтын зориулалтаар тохижуулсан.

Алсын бүсийн жишиг өрхийн эрүүл мэндийн төвийн нээлтийн үйл ажиллагаанд НИТХ-ын төлөөлөгч, Хан-Уул дүүргийн Засаг дарга Ж.Алдаржавхлан, НИТХ-ын Төлөөлөгч Б.Мягмар болон дүүрэг, хорооны холбогдох хүмүүс, өрхийн эмч сувилагч, иргэдийн төлөөлөл оролцлоо.

Улсын бүсэд үйл ажиллагаа явуулах “Энхамгалан-Өлзийт” өрхийн эрүүл мэндийн төв нь тус хорооны оршин суугч, хүүхэд, өндөр настан, хөгжлийн бэрхшээлтэй иргэдэд эрүүл мэндийн анхан шатны үйлчилгээ, гэрийн эргэлт үзлэг болон яаралтай тусламж үйлчилгээг хүртээмжтэй үзүүлэх боломж бүрдлээ.

Мөн Хан-Уул дүүрэгт 2022-2023 онд нийт НАЙМАН хороонд /8/ ӨРХИЙН ЭРҮҮЛ МЭНДИЙН ТӨВ шинээр ашиглалтад орно. Өнөөдөр энэ ажлын эхлэл болж 14 дүгээр хороонд шинэ өрхийн эрүүл мэндийн төв иргэддээ үйлчилгээ үзүүлж, үйл ажиллагаагаа эхлүүллээ.

May be an image of 3 people