• 7777 7777 8911 6964
  • sunny -5°C
  • 3426₮ ам.доллар
Дэрс булан гэдэг газарт алга болсон, 61 настай иргэнийг олоогүй байна

Admin | 2023-10-16

Сэлэнгэ аймаг, Сайхан сумы нутаг Номгон багийн “Дэрст булан” гэдэг газар 9-р сарын 24-ний өдрийн 19:00 цагийн орчим 4 хүн зугаалж явснаас иргэн Э нь сураггүй болсон тул эрэн хайх ажиллагаанд дэмжлэг үзүүлэн ажиллах тухай хүсэлтийг Сайхан сумын сум дундын Цагдаагийн хэлтсээс 9-р сарын 29-ний өдрийн 12:40 цагт хүлээн авсан.

Эрэн хайх ажиллагааг 9-р сарын 29-ний өдрөөс 10-р сарын 1-ний өдрийг дуустал зохион байгуулсан боловч үр дүнд хүрээгүй тул түр зогсоосон бөгөөд эрэн хайх ажиллагааг дахин явуулах тухай хүсэлтийг ар гэрээс нь 10-р сарын 5-ны өдөр, сум дундын Цагдаагийн хэлтсээс 10-р сарын 10-ны өдөр тус тус хүлээн авсан.

Тус аймгийн Онцгой байдлын газрын Эрэн хайх, аврах анги, Сайхан сум дахь Гал түймэр унтраах, аврах 61 дүгээр ангийн алба хаагчид иргэн Э/61 настай, эрэгтэй/-ыг эрэн хайх ажиллагааг 10-р сарын 15-ны өдрийн 11:10 цагаас 18:12 цаг хүртэл “Хушаатын гүүр” гэдэг газраас “Хадан хөндий гэдэг газар  хүртэл “Орхон” голын усаар 39 км-т завиар, голын эрэг дагуу 7 км-т явганаар, автомашинтай 22 км-т эрэн хайх ажиллагааг зохион байгуулсан боловч үр дүнд хүрээгүй байна. Эрэн хайх ажиллагаа үргэлжилж байна. 

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

Аюулт үзэгдэл, ослын 115 удаагийн дуудлагаар үүрэг гүйцэтгэж, 13...
Т.ДАВААДАЛАЙ: Автомашины импортыг хязгаарлаагүй бөгөөд улсын дуга...
Арванхоёрдугаар сард багтаан Туулын хурдны замын тендерийг зарлан...
Нийт сэтгэгдэл (0)