
Их эзэн Чингис хааны мэндэлсний 861 жилийн ой, Өвлийн эхэн сарын шинийн нэгэн буюу "Монгол бахархлын өдөр"-т зориулсан улс, аймгийн алдар цолтой 128 бөхийн барилдаанд улсын гарди Ц.Бямба-Отгон түрүүлж, улсын заан М.Лхагвагэрэл үзүүрлэлээ.
Их эзэн Чингис хааны мэндэлсний 861 жилийн ойн барилдааны зургаагийн даваанд Завхан аймгийн харьяат, улсын заан М.Лхагвагэрэл улсын заан Б.Бат-Өлзийг, Өвөрхангай аймгийн харьяат, улсын гарди Ц.Бямба-Отгон улсын харцага Н.Золбоог давж үзүүр түрүүнд бяр хүчээ сорихоор шөвгөрөөд байсан юм.