![](/storage/posts/December2023/Hr2mroQ1WFE0glo4v55L.jpg)
Сурагчдын хоёрдугаар улирлын амралтыг арванхоёрдугаар сарын 28-наас 2024 оны нэгдүгээр сарын 28-ны хооронд болгожээ. Сурагчдын амралтын хугацааг наашлуулах саналыг албаныхан хэлэлцсэн билээ. Энэ талаар Боловсролын сайд Л.Энх-Амгалан мэдээлэл өглөө.
Тодруулбал "Энэ сарын 29-нөөс эхлэн 4 хоног баярын амралт таарах юм байна. Тэгээд нэгдүгээр 2-ноос хичээлээ нээгээд, 7-нд дахиад амарна гэхээр үндсэндээ хэдхэн хоног хичээллэх шаардлага гарч байгаа юм. Тиймээс 2023 оны арванхоёрдугаар сарын 28-наас 2024 оны нэгдүгээр сарын 28-ны хооронд амраахаар боллоо. Мөн ахлах ангийн хичээлийг 7 хоногоор хойшлуулж гуравдугаар улиралд оруулах зохицуулалт хийх болно. Харин цэцэрлэгийн үйл ажиллагааг хэвийн үргэлжлүүлнэ" гэлээ.