• 7777 7777 8911 6964
  • sunny -5°C
  • 3426₮ ам.доллар
Украин улс 48 цагийн дотор ОХУ-ын талтай уулзах санал гаргалаа

Admin | 2022-02-13

Хил дээрх нөхцөл байдлын талаар 48 цагийн дотор ОХУ-тай уулзаж, хэлэлцэх саналыг Украин улсын засгийн газар гаргажээ.

Уг уулзалтад Европын аюулгүй байдлыг хариуцсан төлөөлөгчид оролцох юм байна.

Хоёр улсын хил дээрх цэргийн ажиллагааныхаа талаар тайлбар өгөх Украин улсын хүсэлтийг Оросын тал хэрэгсэхгүй байгаа тул ийм санал гаргаж байгааг Украины гадаад хэргийн сайд Дмитро Кулеба мэдэгджээ.

Оросын эрх баригчид Украинд халдан довтлох төлөвлөгөөгүйгээ олон удаа илэрхийлсэн ч тус улсын хилийн орчимд 100,000 гаруй цэрэг хуримтлуулаад байгаа юм.

Өрнөдийн орнууд эзлэн түрэмгийлэх дайн хэзээ ч эхэлж магадгүй болсныг анхааруулж байгаа.

ОХУ нь Европын Аюулгүй Байдал, Хамтын Ажиллагааны Байгууллагын (OSCE) гишүүн орнуудын Венад байгуулсан гэрээний дагуу явуулж буй цэргийн ажиллагааныхаа талаар мэдээлэл өгөх үүрэгтэй гэж Кулеба үзэж байна. Венийн гэрээнд ОХУ нэгдсэн байдаг.

Украины хямралыг намжаах дипломат үйл ажиллагаа үргэлжилж, өрнөдийн удирдагчид Москва, Киевийг зорьсоор байна.

Германы канцлер Олаф Шольц өнөөдөр Киев хотод айлчилж, ерөнхийлөгч Зеленскийтэй уулзах бол маргааш Москвад ерөнхийлөгч Владимир Путинтэй уулзах юм.

Эх сурвалж: BBC

ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like 0 Хаха 0 0 Буруу 0 Гайхмаар 0 Харамсалтай 0 Хөөрхөн

Холбоотой мэдээ

ТОМИЛОЛТ: “Чинь Шыхуан хааны онгоны музейд ажилд орвол энэ насны...
Хөдөлмөрийн баатар П.ЦЭРЭНДАГВА: Бүтэн нэртэй, бүлээн сэтгэлтэй я...
ТОМИЛОЛТ: Хүний мэдрэхүйг “урхидан” хөгжиж буй Хятадын аялал жуул...
Нийт сэтгэгдэл (0)