
Узбекистаны нийслэл Ташкент хотноо зохиогдож буй туялзуур сэлэмний өсвөрийн Ази тивийн аварга шалгаруулах тэмцээнд Монголын тамирчин хүрэл медаль хүртлээ. Тус тэмцээний хүнд сэлэмний төрөлд манай улсаас 13 тамирчин өрсөлдөөд байгаа бөгөөд Батбямбын Гандөл нийт зургаан ялалт байгуулж, хүрэл медаль хүртээд байна. Ингэснээр тэрээр туялзуур сэлэмний төрөлд тивийн тэмцээнээс медаль хүртсэн Монголын анхны тамирчин боллоо.