Tentsver.mn

ҮЙЛ ЯВДАЛ: Х.Нямбаатар, Ж.Болд нарыг огцруулахаар сэтгүүлчид цуглаан зохион байгуулна

Admin | 2022-06-12

Өнөөдөр буюу зургадугаар сарын 13-ны өдөр болох үйл явдлын тоймоос хүргэж байна.

Төрийн ордонд

10:00 цагт УИХ дахь МАН, АН-ын бүлгийн хуралдаан болно.

Үндэсний мэдээллийн төвд

11:00 цагт Монголын балетын хөгжлийн сангаас Олон улсын балетын хоёрдугаар уралдааны талаар мэдээлэл хийнэ.

11:30 цагт Баянхонгор аймгийн иргэн н.Мөнхтогоо, н.Мөнх-Эрдэнэ нар эмнэлгийн буруутай үйл ажиллагаанаас болж олгойн хагалгаа хийлгэсэн хүүхэд маш хүнд байдалтай гурван жил болж байгаа тухай, Баянхонгор аймагт хүүхдийн эрх зөрчигдөж байгаа талаар хэвлэлийн хурал хийнэ.

12:00 цагт Гэр Бүл Хүүхэд Залуучуудын Хөгжлийн Газар, ЦЕГ, НЭМҮТ, МХЕГ, ОБЕГ-ын хамтарсан баг "Нэгдүгээрт хүүхэд" хүүхэд хамгааллын урьдчилан сэргийлэх нөлөөллийн арга хэмжээ сэдвээр мэдээлэл хийнэ.

Цус Сэлбэлт Судлалын Үндэсний төвд

11:00 цагт "Цусны донорын Дэлхийн өдөр" арга хэмжээ болно.

Монгол Ньюс мэдээллийн төвд

11:00 цагт Дахин төлөвлөлтийн асуудлаар Сүхбаатар дүүргийн дөрөвдүгээр хорооны оршин суугчид мэдээлэл хийнэ.

11:30 цагт “Хөх Монголын үр сад орших уу, эс орших уу” сэдвээр “Оройн дээд эрдэм, мандал, хангал, номын сахиут өргөө” ТББ-аас хэвлэлийн хурал зарлаж байна.

Монголын үндэсний музей

11:40 цагт Монголын Үндэсний музей, Угсаатан зүйн Гэр музей хамтран зохион байгуулах "Модон урлал: Монгол авдар" тусгай үзэсгэлэнгийн нээлт болно.

Сүхбаатарын талбайд

12:00 цагт ХЗДХ-ийн сайд Х.Нямбаатар, Ж.Болд нарыг огцруулахаар сэтгүүлч нар цуглаан зохион байгуулна.

Төрийн ордны гадна

12:00 цагт Улсын төсвийн хөрөнгөөр ажил гүйцэтгэж, алдагдалд орсон барилгын компаниудын “Хөгжлийн төлөө барилгачдын нэгдэл” ГҮТББ-аас Ерөнхий сайдад хүргүүлсэн шаардлагынхаа хариуг нэхэж хэвлэлийн хурал зарлалаа.