Өвлийн улиралд амарч, зугаалах боломжтой газрууд

Admin | 2021-12-26

Сурагчдын амралт эхэлсэнтэй холбоотойгоор амралт, зугаалгын газрууд үйл ажиллагаа явуулаад эхэлжээ. Та бүхэнд сурагчдын амралт болон өвлийн улиралд чөлөөт цагаа өнгөрөөж болох сонирхолтой үйлчилгээ бүхий газруудыг сонирхуулж байна.

BABY SKY:

Уг амралтын газар нь хүүхэдтэй ээжүүдэд тохирсон амралтын газар юм. Бяцхан амрагч нартаа зориулж энэ сарын 25,31-ны өдрүүдэд "Шидэт шинэ жил" хөтөлбөрийг зохион байгуулах гэж байна. Хөтөлбөрт "Хонхондой хүүхдийн театр"-ийн хамт олон оролцож гэр бүлийн дунд хөгжилтэй тоглоомуудыг зохион байгуулж, өвлийн өвгөн ирж хүүхдүүдэд гарын бэлэг гардуулан өгөх юм. Мөн хүний тоо хамаарахгүй өрөө бүр тах-тай байх бөгөөд том өрөө 150.000, дунд өрөө 110.000, жижиг өрөө 80,000 төгрөгийн үнэтэй аж.

Тасалбарын үнэд хүүхдүүдэд шинэ жилийн бэлэг, хөгжөөнт тэмцээнүүд, шинэ жилийн буфет хоол, хүүхдийн кино тетар, шинэ жилийн гар урлах хөтөлбөр багтсан.

Зохион байгуулагч: BABY SKY

Холбогдох утас: 8040-5252, 8516-5252

Нохой чаргатай аялал:

Өвлийн улиралд үзэж, зугаацах боломж бол нохой чаргатай аялал юм. Энэхүү аяллын ноход бүгд Алескын хаски үйлдвэрийнх бөгөөд зочид байгалийн сайхан тогтоц бүхий газраар аялан танилцах болно. Нохой чаргаар голын эрэг дагасан мод хадтай уулын сүрлэг үзэмж, сэнгэнэсэн агаар, уур савссан голын халгиа гэх мэт сэтгэлд тод дурсамж үлдээх сайхан байгалыг үзэж аялах боломжтой аж.

Аяллын бүтцэд нохой чарга, морин аялал, коньки нум сум, мөсөн агуй, халуун вино, морь унах хосолсон аялал зэрэг багтана.

Аялал зохион байгуулагч: Тэрэлж нохой чарга (фэйсбүүк пэйж хуудас)

Холбогдох утас: 80804431, 99125143

 Уулын аялал:

Хан Хэнтийн нурууны оргил Асралт Хайрхан уул нь далайн түвшнээс дээш 2799 метрийн өндөрт өргөгдсөн ууланд алхах аяллыг Вивид трайвэл клуб зохион байгуулж байна. Уг уул нь хар мод, нарс, гацуур, хус, улиас, хуш, улиангар зэрэг олон төрлийн мод холилдон ургасан, ан амьтан элбэг, ойр орчмын салбар уулс , гол ус, нуур гээд байгалийн хосгүй сайхан үзэсгэлэнтэй газар билээ. Урин дулаан улиралд хүрэхэд бэрх бөгөөд өвөл гол ус хөлдсөний дараа гол дээгүүрээ өгсөж явсаар очиход арай хялбар байдаг учир аялагчид, уулын алхалт сонирхогчид энэ сайхан байгалыг зорин очих болсон. Уг аяллын эхний  ээлж ирэх сарын 1-2-ны өдрүүдэд зохион байгуулахаар төлөвлөжээ.  

1-р ээлж:

1-р сарын 1-ны өглөө 10:00 цагт хөдлөх бөгөөд Асралт хайрханыхаа бэлд очиж хоноод 2-ны өглөө уулинд авирах аж.

2-р ээлж:

1-р сарын 1-ны орой 23:30 цагт хөдлөөд шөнөдөө машинтайгаа яваад үүрээр 1-р ээлжийн отог дээр ирж  нэгдээд цуг авирна.

Энэ нь экспресс явалт бөгөөд замдаа машиндаа бага зэрэг амарч явна.  

Аялал зохион байгуулагч: Vivid Travel Club, Mongolia (фэйсбүүк пэйж хуудас)

Холбогдох утас: 95881082

 SKY RESORT:

Улаанбаатар хотын хамгийн их баяр баяслаар дүүрэн газар бол Sky Resort цанын бааз билээ. Улаанбаатар хотоос хамгийн ойр зайд гэр бүл, найз нөхөд, хамт олноороо зочлон цэвэр агаарт цана чарга, сноубоардаар гулгаж, амтат хоол, халуун ундаа зооглон энэ өвлийн хамгийн сайхан цаг мөчүүдийг хамтдаа өнгөрөөхийг урьж байна.

Зохион байгуулагч: SKY RESORT / ЦАНЫН БААЗ (фэйсбүүк пэйж хуудас)

Холбогдох утас: (+976) 7700 0909