8911 6964
-5
НҮБ-ын Хөгжлийн хөтөлбөрийн суурин төлөөлөгч болон “Бизнес ба хүний эрх” хөтөлбөрийн зохицуулагчтай уулзлаа
Монгол Улсын сайд, Засгийн газрын Хэрэг эрхлэх газрын дарга Д.Амарбаясгалан Монгол Улс дахь НҮБ-ын Хөгжлийн хөтөлбөрийн суурин төлөөлөгч Илэйн Конкиевич болон Бангкок дахь бүсийн төвийн “Бизнес ба хүний эрх” хөтөлбөрийн зохицуулагч Шон Лийс нартай уулзлаа.
НҮБ-ын Хөгжлийн хөтөлбөр Монгол Улсын Засгийн газартай 46 жил хамтран ажиллаж буйг талууд тодотгоод, бүс нутагт хэрэгжиж буй “Бизнес ба хүний эрх” хөтөлбөрийн талаар ярилцлаа. Манай бүс нутагт нийт долоон улс уг хөтөлбөрийг хэрэгжүүлдэг ба Монгол Улс гурван жилийн өмнө элсжээ. “Бизнес ба хүний эрх” хөтөлбөрийн дагуу Засгийн газрын Хэрэг эрхлэх газраас чуулга уулзалт зохион байгуулах гэж байгаад НҮБ-ын Хөгжлийн хөтөлбөрийн төлөөлөгч нар талархаж байгаагаа илэрхийллээ.
ЗГХЭГ-ын дарга Д.Амарбаясгалан хүний эрхийг хангах чиглэлээр Монгол Улсын Засгийн газар идэвхтэй ажиллаж буйг тодотгоод, өнгөрсөн есдүгээр сард Хүний эрхийг хангах Үндэсний хороо байгуулсныг онцлов.
“Бизнес ба хүний эрх” хөтөлбөрийн хүрээнд хийсэн бизнесийн салбарт тулгамдаж буй хүний эрхийн асуудлыг тодорхойлох суурь судалгаа ач холбогдлоо өгнө гэдэгт талууд санал нэгдэв. НҮБ-ын Хөгжлийн хөтөлбөр, “Бизнес ба хүний эрх” хөтөлбөрийн хүрээнд Монгол Улсын Засгийн газартай хүний эрхийг хангах, хамгаалахад хамтран ажиллах хүсэлтэй байгаагаа тэд илэрхийлж байлаа.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Хаха
0
0
Буруу
0
Гайхмаар
0
Харамсалтай
0
Хөөрхөн
Холбоотой мэдээ
