Tentsver.mn

"Бодис-хяналт-шалгалт" хэсэгчилсэн хяналт шалгалтаар нэршил тодорхойгүй химийн бодис илэрчээ

Admin | 2023-11-07

Экологийн цагдаагийн албанаас Цагдаагийн албаны тухай хуулийн 13 дугаар зүйлийн 13.1.1 дэх заалт, Гэмт хэрэг, зөрчлөөс урьдчилан сэргийлэх тухай хуулийн 29 дүгээр зүйлийн 29.1.2 дахь заалт Химийн хорт болон аюултай бодисын тухай хууль тогтоомжийн хүрээнд учирч болзошгүй эрсдэлээс урьдчилан сэргийлэх хүн амын эрүүл мэнд хүрээлэн буй орчны аюулгүй байдлыг хангах чиглэлээр бодис, хяналт шалгалт, хэсэгчилсэн арга хэмжээг зохион явуулж байна.

Дээрх хяналт шалгалтыг ЧД-ийн 3 дугаар хорооны нутаг дэвсгэрт байрлах Урт цагаан үйлчилгээний төвд алт мөнгөний дарханы чиглэлээр үйл ажиллагаа явуулдаг иргэн ААН-ийн хүрээнд зохион байгууллаа.

Тус үйлчилгээний төвд үйл ажиллагаа явуулж байгаа Монгол Улсын болон гадаад улсын 21 иргэдээс химийн хорт аюултай бодис болох давсны хүчил, хүхрийн хүчил, тунсаа гэх нэршилтэй химийн бодис нэршил тодорхойгүй зарим химийн бодис бензин болон нэн ховор амьтны жагсаалтад багтсан хотон шувууны хошуу зэргийг илрүүлэн мөрдөн шалгах ажиллагааг явуулж байна.

Иймд энэ төрлийн үйлчилгээ эрхэлж буй байгууллага ААН иргэд Монгол Улсын хууль тогтоомж түүнд нийцүүлэн гаргасан журмын хүрээнд химийн хорт болон аюултай бодисоос үүдэлтэй болзошгүй эрсдэлээс урьдчилан сэргийлж хамтран ажиллахыг цагдаагийн байгууллагаас анхааруулж байна.